|
ᐃᓛᒃᑰᖅᑐᓂᒃ ᖃᐅᔨᒋᐊᒃᑲᓂᕐᓂᕐᒧᑦ ᑲᑎᒪᖃᑎᕐᓂᖅ
ᐊᒥᓱᒐᓚᐃᑦ ᐃᓛᒃᑰᖅᑐᓂᒃ ᖃᐅᔨᒋᐊᒃᑲᓂᕐᓂᕐᒧᑦ ᑲᑎᒪᖃᑎᕐᓃᑦ ᐱᑕᖃᖃᑦᑕᖅᓯᒪᕗᑦ ᐱᓇᓱᐊᖅᑕᐅᓪᓗᓂ ᐱᓛᕐᓂᐊᕐᓂᕋᖅᓯᒪᓂᖓ ᐊᖏᔪᖅᑳᕐᔪᐊᑉ ᐹᓪ ᒫᑕᓐ ᐊᓂᒍᖅᑎᓪᓗᒍ ᐄᐳᕈ 19, 2004 - ᒥ ᑲᓇᑕᐅᑉ - ᓄᓇᖃᖅᑳᖅᓯᒪᔪᑦ ᑲᑎᒪᓂᖃᑎᒌᓐᓂᖓᑦ.
ᐱᔾᔪᑎᒋᔭᐅᓯᒪᕗᖅ ᐃᓛᒃᑰᖅᑐᓂᒃ ᖃᐅᔨᒋᐊᒃᑲᓂᕐᓂᕐᒧᑦ ᑲᑎᒪᖃᑎᕐᓂᒃᑯᑦ ᖃᐅᔨᓇᓱᐊᕐᓂᖅ ᓄᑖᓂᒃ ᐊᒻᒪ ᓄᑖᓂᒃ ᐃᓱᒪᒋᔭᐅᓯᒪᔪᓂᒃ ᐊᖅᑯᑎᒋᔪᓐᓇᖅᑕᖏᓐᓂᒃ ᒐᕙᒪᖏᑕ ᑲᓇᑕᐅᑉ, ᑲᓇᑕᒥ ᓄᓇᖃᖅᑳᖅᓯᒪᔪᑦ ᑎᒥᖁᑎᖏᑕ, ᐊᒻᒪ ᐊᕕᑦᑐᖅᓯᒪᔪᓂ ᖃᓪᓗᓈᑦ ᓄᓇᖓᓐᓂ ᐊᒻᒪ ᐅᑭᐅᖅᑕᖅᑐᒥ ᒐᕙᒪᒃᑯᑦ ᐱᓕᕆᖃᑎᒌᓪᓗᑎᒃ ᐊᑲᕐᕆᓕᖃᑕᐅᑎᒐᓱᐊᕐᓗᒋᑦ ᐃᓅᓯᕐᒥᒍᑦ ᓄᓇᖃᖅᑳᖅᓯᒪᔪᖅ ᐃᓄᐃᑦ ᑕᐃᒪᐃᓪᓗᐊᖃᑎᖃᓕᖅᐸᓪᓕᐊᓗᑎᒃ ᑕᒪᐃᓐᓂᒃ ᑲᓇᑕᒥᐅᓂᒃ . ᑖᒃᑯᐊ ᑲᑎᒪᖃᑎᒌᓐᓃᑦ ᐃᓚᖃᖅᐳᑦ ᒪᑯᓂᖓ : ᐋᓐᓂᐊᓇᓐᖏᑦᑐᓕᕆᓂᖅ, ᐃᓅᓯᓕᒫᖅ ᐃᓕᓐᓂᐊᕐᓂᖅ, ᐃᓪᓗᓕᕆᓂᖅ, ᑮᓇᐅᔭᓕᐅᕈᑎᑎᒍᑦ ᐱᓇᓱᐊᕋᑦᓴᐃᑦ, ᐊᐃᕙᖃᑎᒌᓐᓃᑦ ᐊᒻᒪ ᑲᒪᒋᔭᖃᕆᐊᖃᕐᓂᖅ ᖃᐅᔨᔭᐅᔪᓂᒃ .
ᑲᓇᑕᐅᑉ - ᓄᓇᖃᖅᑳᖅᓯᒪᔪᑦ ᑲᑎᒪᓂᖃᑎᒌᓐᓂᖓᑦ ᐃᓐᑐᓂᐊᑦᒥ ᑕᑯᔭᒃᓴᐅᑎᑦᑎᕕᖓᑦ ᐱᑕᖃᖅᐳᖅ ᑲᑎᒪᔾᔪᑎᒃᓴᓂᒃ, ᖃᓄᐃᓯᒪᓂᖓᓄᑦ ᑎᑎᖅᑲᓂᒃ ᐊᒻᒪ ᐃᓚᐅᔪᑦ ᐊᑎᖏᓐᓂᒃ ᐊᑐᓂᑦ ᐃᓛᒃᑰᖅᑐᓂᒃ ᖃᐅᔨᒋᐊᒃᑲᓂᕐᓂᕐᒧᑦ ᑲᑎᒪᖃᑎᕐᓂᕐᓄᑦ ᐊᒻᒪᓗᑦᑕᐅᖅ ᑭᖑᓪᓕᖅᐹᒥᒃ ᐱᔭᒃᓴᐅᑎᑦᑎᔨᐅᑉ ᑲᑎᖅᓱᖅᓯᒪᔪᓄᑦ ᐅᓂᒃᑳᓕᐅᕈᑎᖓᓂᒃ.
ᐱᑕᖃᖅᑐᑦ ᑖᒃᓱᒪᓂ ᐃᓐᑐᓂᐊᑦᒥ ᑕᑯᔭᒃᓴᐅᑎᑦᑎᕕᒻᒥ ᓴᖅᑭᔮᕈᑕᐅᕗᑦ ᐃᓱᒪᒋᔭᖃᕈᓯᒻᒪᕆᓐᖏᑕᖏᓐᓄᑦ ᒐᕙᒪᒃᑯᑦ ᐅᕝᕙᓘᓐᓃᑦ ᑲᓇᑕᒥ ᓄᓇᖃᖅᑳᖅᓯᒪᔪᑦ ᑎᒥᖁᑎᖏᓐᓄᑦ. ᐱᔾᔪᑎᖃᖅᐳᖅ ᑖᓐᓇ ᐃᓐᑐᓂᐊᑦᒥ ᑕᑯᔭᒃᓴᐅᑎᑦᑎᕕᒃ ᐱᔭᒃᓴᐅᑎᑦᑎᓇᓱᐊᕐᓂᕐᒥᒃ ᑐᓴᐅᒪᔾᔪᑎᒃᓴᓂᒃ ᐃᓕᖓᔪᓂᒃ ᑲᓇᑕᐅᑉ-ᓄᓇᖃᖅᑳᖅᓯᒪᔪᑦ ᑲᑎᒪᓂᖃᑎᒌᓐᓂᖓᓐᓄᑦ : ᖃᓄᐃᓯᒪᓂᖓᓄᑦ ᑎᑎᖅᑲᐃᑦ, ᐱᔭᒃᓴᐅᑎᑦᑎᔨᑦ ᐃᓛᒃᑰᖅᑐᓄᑦ ᐊᒻᒪ ᑭᖑᓪᓕᖅᐹᒥ ᐅᓂᒃᑳᓕᐅᕈᑎᖏᑦ , ᑲᑎᒪᔾᔪᑎᒃᓴᐃᑦᐅ ᐊᒻᒪ ᐱᕙᓪᓕᐊᔪᓕᕆᔨᓂᒃ ᑐᓴᖅᑎᑦᑎᔾᔪᑎᑦ.
|
